Խաղում ներառված է մեծ քարտեզ, որակյալ խաղաքարեր ու զառ, լիքը խաղաքարտեր և խաղային թղթադրամներ:

Խաղի նպատակն է որքան հնարավոր է արագ դառնալ խաղաքարտեզի մոնոպոլիստը:

Սեղանի ժամանցային խաղը նախատեսված է 8-108 տարեկան բոլոր ներկա և ապագա բիզնեսմենների համար:
Խաղը տալիս է երևանյան փողոցներում և ՀՀ-ում տներ, գործարաններ և հանգստյան գոտիներ գնելու և վաճառելու «հնարավորություն»:

Մարզադաշտում քո սիրելի ակումբի 11 ֆուբոլիստներն են և դու՝ 12-րդը, նրանց աջակիցը։ Խաղում ներառված են 4 թեմայի բաժանված 100 խաղաքարտեր, որոնց վրա գրված են ֆուտբոլին առնչվող ամենատարբեր ու հետաքրքիր հարցերը և պտուտակ։ Հարցերին պատասխանելուց առաջ հարկավոր է պտտել խաղում ներառված պտուտակը, որը ցույց կտա՝ որ թեմատիկ խաղաքարտի հարցերին պետք է պատասխանես։ Մնում է մյուսներից ավելի շատ հարցերի պատասխաններ իմանալ, որ առաջինը գրավես մրցակցի դարպասը։

Մասնակիցների քանակ 2-4 Տիեզերքին ծանոթանալու հրաշալի միջոց։
Խաղում ներառված են խաղաքարտեր, քարտեզ, զառ, մարդուկներ:

Խաղում ներառված խաղաքարտերը փոքրիկին կծանոթացնեն տիեզերական հետաքրքրաշարժ աշխարհին և կստիպեն կատարել հետաքրքիր ու ակտիվ առաջադրանքներ։

Որոշեք խաղի մեջ մտնելու հերթականությունը, իսկ եթե դժվարանում եք, արեք դա ըստ տարիքի՝ փոքրից մեծ:
Առաջին մասնակիցը, չնայելով խաղաքարտերին, վերցնում է դրանցից մեկը և դնում իր ճակատին: Քարտի վրա գրված է՝ ով է նա, օրինակ՝ «կատու», «խարիսխ», «աչք», որը տեսնում են խաղի բոլոր մասնակիցները՝ բացի ճակատին խաղաքարտ ունեցող մասնակցի:
Շրջեք ավազի ժամացույցն այնպես, որ ավազը սկսի թափվել: Ամբողջովին թափվելու տևողությունն է՝ 1 րոպե:
1 րոպեի ընթացքում ճակատին խաղաքարտ ունեցող մասնակիցը իր խաղընկերներին տարբեր հարցեր ուղղելու օգնությամբ պետք է պարզի, թե ով է ինքը, գուշակելով այն բառը, որը գրված կլինի իր խաղաքարտի վրա: Կարելի է օգտվել և խաղաքարտերի վրա գրված հարցերից, և ինքնուրույն հարցեր հորինել:
Եթե 1 րոպեի ընթացքում ճակատին խաղաքարտ ունեցող մասնակիցը կռահում է բառը, ապա ստանում է 1 միավոր, և խաղաքարտը դուրս է գալիս խաղից, իսկ եթե ոչ՝ խաղաքարտը դուրս է գալիս խաղից առանց միավորի:
Խաղը հաղթում է ամենաշատ միավորներ հավաքած մասնակիցը:

Խաղի ներառումները –  10 զույգ նախշազարդ քարտեր, 1 քարտ ծածկելու համար, 6 զույգ գունավոր ֆիգուրներ ։

Խաղի կանոնները –  Խաղը նախատեսված է 2 մասնակիցների համար (3+ տարիքի)։ Նրանցից յուրաքանչյուրը վերցնում է միատեսակ քարտերից մեկը և նախօրոք պայմանավորված քանակով գունավոր ֆիգուրներ ՝ 2- ից 6 հատ։

Կողմերը միասին որոշում են, թե ով է սկսելու խաղ, որպես կանոն, այն կարող է սկսել տարիքով ավելի փոքր մասնակիցը։
Առաջինը սկսող մասնակիցը իր գունավոր ֆիգուրները տեղադրում է քարտի վրա և ժամանակ է տալիս մրցակցին մտապահելու ֆիգուրների դիրքը։ Ժամանակը լրանալուն պես համապատասխան քարտով ծածկում է իր քարտը և սպասում մինչև մրցակիցը կտեղադրի իր ֆիգուրները քարտի վրա։ Պատկերների դիրքերը ֆիքսելու համար հատկացված ժամանակը կողմերը ֆիքսում են միասին, օրինակ 20 կամ 30 վայրկյան։

Տեղադրելուց հետո համեմատում են, եթե ֆիգուրների տեղերը և գույները համընկնում են, ապա մասնակիցները փոխվում են դերերով` մտապահողը սկսում է խաղը, խաղն սկսողը` մտապահում, իսկ եթե ֆիգուրները տեղադրելիս սխալներ է թույլ տվել, ապա խաղը շարունակում են նույն դերերով։
Յուրաքանչյուր հաղթանակի համար տրվում է 1 միավոր, որ մասնակիցը առաջինը հավաքեց 10 միավոր, նա էլ կճանաչվի խաղի հաղթողը։

Խաղի նպատակը – զարգացնել տեսողական հիշողությունը, գունային ընկալումը, ուշադրությունը, հնարամտությունը։

Ներառում է․
4 մեծահասակների բերանլայնիչ
2 մանկահասակների բերանլայնիչ
150 խաղաքարտ
ավազի ժամ
Ինչպե՞ս խաղալ․
Ընկերների հետ հավաքվեք սեղանի շուրջ և պատրաստվեք ամենազվարճալի խաղին։
Բաժանվեք խմբերի, վերցրեք բերանլայնիչները և միասին որոշեք, թե ով է սկսելու խաղը ։
Բերանլայնիչով մասնակիցը իր թիմակիցներին պետք է 1 րոպեի ընթացքում բացատրի որքան հնարավոր է շատ նախադասություններ, որոնք գրված են խաղաքարտերի վրա, իսկ խաղընկերը կրկնի նախադասությունը նույնությամբ, ինչպես գրված է խաղաքարտի վրա։ Եթե թիմակիցները կռահել են խաղաքարտի վրայի գրված նախաղադասությունը այդ խաղաքարտը մնում է թիմի մոտ, իսկ խաղաքարտերը, որոնց վրայի նախադասությունը կարդացել են, փորձել են բացատրել, բայց չի հաջողվել կռահել, դուրս են գալիս տրցակից և միավոր չեն բերում թիմին։
Բացատրելիս բերանլայնիչը թույլ չի տալիս շարժել շուրթերը, այդ պատճառով շատ զվարճալի է լինում տեսնել ընկերներին, երբ նրանք դժվարանում են շարժել շուրթերը։
Խաղի ընթացքում յուրաքանչյուր խումբ կարող է բաց թողնել միայն 2 խաղաքարտ։
Երբ տրցակի խաղաքարտերը ավարտվել են, հաղթում է ավելի շատ խաղաքարտ կուտակած կողմը։

«Այն, ինչ չեն սովորեցնում դպրոցում. ԿԵՆՍԱԲԱՆՈՒԹՅՈՒՆ» խաղը ընդհանրապես նման չէ ձանձրալի հարցերով ավանդական մյուս խաղերին: Այն հնարավորություն է տալիս նորովի բացահայտելու մարդուն, կենդանական ու բուսական աշխարհը և հիանալու դրանցով:

Ինչու՞ են մարդիկ փշաքաղվում, ո՞րն է միակ սունկը, որը կարող է շարժվել, ինչի՞ համար են պանդաները հղի ձևանում կամ չղջիկները քնում գլխիվայր:

Սա լավագույն պատճառն է ընկերներով, ընտանիքի անդամներով հավաքվելու և սովորելու փաստեր, իրադարձություններ․․․ այն ամենը, ինչը հաստատ չեն սովորեցրել դպրոցում: Տուփի ներսում քեզ սպասում են 450-ից ավելի հարցեր, որոնք նոր քննարկումների առիթ են ստեղծելու: Այնպես որ, բացի՛ր տուփն ու շտապի՛ր առաջինը զարմացնել մարդկանց քո նոր գիտելիքներով:

Սա ամենատիեզերական խաղն է մարդկանց, նվաճումների, տիեզերական մարմինների ու ամենաչբացահայտվածի մասին։

Ի՞նչ ճանապարհ է անցել և դեռ ինչ նվաճումների է հասնելու տիեզերագնացությունը, ե՞րբ կգաղութացվի Մարսը, ո՞րն է Մեծ պայթյունի տեսության հիմնական ապացույցներից մեկը․ սրանք հարցեր են, որոնց պատասխանները կգտնեք 400 փաստերի մեջ․ դրանք կզարմացնեն, կոգեշնչեն և կստիպեն քեզ սիրելու Տիեզերքը, տարվելու դրանով և մի փոքր ավելի մոտ լինելու վերմթնոլորտային կյանքին:

Սա փոքր խաղ է մի մարդու և մեծ թռիչք՝ տիեզերասերի համար:

Այնպես որ, քեզ սկաֆանդր պետք չէ, պատրաստվի՛ր, վերցրու՛ տուփը և 3․․․ 2․․․1․․․ մեկնարկ:

Դե խաղա խաղն իր մեջ ներառում է 200 խաղաքարտ։ Այն մշակվել է հումորի անսահման չափաբաժին ու հիշարժան պահեր պարգևելու համար։ Խաղի ներսում կան 4 տեսակի խաղաքարտեր, որոնցից յուրաքանչյուրը ենթադրում է որոշակի գործողություն կամ հարց։ Սա ծնողների մանկության անկեղծություն, թե համարձակություն խաղն է, լրամշակված, ավելի շատ հումոր, համարձակություն և իրար բացահայտելու հնարավորություններ ավելացրած։

Դե խաղա խաղը հաստատված է ՀՀ լեզվի տեսչության կողմից։

«Այն, ինչ չեն սովորեցնում դպրոցում. ՏԻԵԶԵՐՔ» խաղը ընդհանրապես նման չէ ձանձրալի հարցերով ավանդական մյուս խաղերին: Այն հնարավորություն է տալիս բացահայտելու Տիեզերքը, սիրահարվելու նրան ու ավելի խորացնելու գիտելիքները հենց այս թեմայով:

Ինչո՞ւ են տիեզերանավի ներսում փափուկ խաղալիք կախում։ Ի՞նչ կլինի, եթե տիեզերքում գոռաք կամ լաց լինեք: Ինչու՞ են սև խոռոչները սև կամ կա՞ն արդյոք այլ գույնի խոռոչներ ևս: Ինչպե՞ս են մասնագետների ձեռքին հայտնվել մարսյան քարեր, եթե Մարսից դեռ ոչ մի նմուշ չի բերվել Երկիր:

Սա լավագույն պատճառն է ընկերներով, ընտանիքի անդամներով հավաքվելու և սովորելու փաստեր, իրադարձություններ․․․ այն ամենը, ինչը հաստատ չեն սովորեցրել դպրոցում: Տուփի ներսում քեզ սպասում են 450-ից ավելի հարցեր, որոնք նոր քննարկումների առիթ են ստեղծելու: Այնպես որ, բացի՛ր տուփն ու շտապի՛ր առաջինը զարմացնել մարդկանց քո նոր գիտելիքներով:

«Այն, ինչ չեն սովորեցնում դպրոցում. ԱՇԽԱՐՀԱԳՐՈՒԹՅՈՒՆ» խաղը ընդհանրապես նման չէ ձանձրալի հարցերով ավանդական մյուս խաղերին: Այն հնարավորություն է տալիս նորովի բացահայտելու պետությունները, դրանց հետ կապված պատմություններն          ու     իրադարձույթուններն,                                                         ամեն ինչ՝ կապված աշխարհագրության հետ, ու հիանալ դրանցով:

Ո՞րն է աշխարհի ամենահին քաղաքը, ի՞նչ կլինի, եթե Անտարկտիդայի սառցադաշտերը հալչեն, ինչու՞ էին ծովահենները միշտ ականջօղեր կրում։

Սա լավագույն պատճառն է ընկերներով, ընտանիքի անդամներով հավաքվելու և սովորելու փաստեր, իրադարձություններ․․․ այն ամենը, ինչը հաստատ չեն սովորեցրել դպրոցում: Տուփի ներսում քեզ սպասում են 450-ից ավելի հարցեր, որոնք նոր քննարկումների առիթ են ստեղծելու: Այնպես որ, բացի՛ր տուփն ու շտապի՛ր առաջինը զարմացնել մարդկանց քո նոր գիտելիքներով:

Ծալի՛ր թղթերը՝ հետևելով հրահանգներին, ստացի՛ր պատկերներ, վայելի՛ր պատրաստման ընթացքը ու ստացված պատկերները նվիրի՛ր հարազատներիդ։

Տուփի ներսում 40 պատկերներ են՝ յուրաքանչյուրից երկուական օրինակով և գծագրերը ներկայացնող գիրք։

Օրիգամին օգնում է թե՛ երեխայի ու թե՛ մեծահասակների մոտ զարգացնել․ ձեռքերի մանր մոտորիկան, երևակայությունը, տրամաբանությունը, տարածական մտածողությունը, կենտրոնացումը։

Սա ամենաոգեշնչող խաղն է, որտեղ դու ծանոթանալու ես աշխարհ փոխած 200 մարդկանց հետ՝ քաղաքականությունից մինչև կրոն, գիտությունից մինչև արվեստ: Դու բացահայտելու ես նրանց, մոտիվացվես, գտնելու ես կյանքի պատմություններ, որոնք զարմանքի ու հիացմունքի են արժանի: Սա խաղ է անցյալի մասին, որը ապագա է հեղաշրջել, ու սրանք մարդիկ են, ում մենք պարտավոր ենք ճանաչել:

Տուփի ներսում քեզ մի մեծ ՄՈՏԻՎ է սպասվում, որից հետո գալու է ժամանակը մտածելու, թե ինչպես դառնալ 201-րդը: Այնպես որ՝ արի՜ սկսենք, աշխարհը քեզ է սպասում:

Ղդիկը հայկական իրականության ամենահումորային խաղն է, որտեղ դու հումորով ես անկախ քո կամքից։ Խաղի նախավաճառքը ռեկորդներ է գրանցել միայն մեկ օրում գրանցելով 132 օնլայն գնում։

Տուփի ներսում կան 400 խաղաքարտեր՝ բաժանված 2 մասի՝ հըռ-հըռ ու խընդ, մասնակիցները մրցելով միմյանց հետ փորձում են խաղաքարտերը դասավորել այնպես, որ առավելագույն ծիծաղելի ստացվի։

Տուփի ներսում 99 քայլեր են՝ առանձին խաղաքարտեր, որոնք բաժանված են 4 խմբի՝ փորձություն, բացահայտում, արկած, գնահատում: Պարզապես վերցրե՛ք որևէ քարտ, կարդացե՛ք ու կատարե՛ք գրվածը, ստեղծե՛ք նոր պահեր, զգացե՛ք, կրկին սիրահարվե՛ք ու լուսանկարեք՝ քարտի հետևում փակցնելու ու երբևէ ամենախենթ հիշողություններով տուփն ունենալու համար:

Ապրեք ավելի շատ սիրելով․․․

«Զույգերի համար» խաղը հնարավորություն է միմյանց ավելի լավ ճանաչելու, հարաբերություններն արժևորելու և հետհայացք նետելու անցած ճանապարհի վրա, հասկանալու՝ ով է այսօր զուգընկերդ՝ համեմատած այն անձնավորության հետ, ում հանդիպել ես սկզբում։ Սա նաև ապագան ավելի կայուն ու ամուր դարձնելու միջոց է:

Խաղն ունի միայն մեկ կանոն՝ տալ բացարձակապես ազնիվ պատասխաններ։

Տուփի ներսում երկու տեսակի խաղաքարտեր են, սպիտակ (հարցեր) և կարմիր (ջոկեր), բաժանված երեք մակարդակների։ Խաղաքարտերի յուրաքանչյուր մակարդակ առանձին տրցակներով դրեք սեղանի վրա, կամ որևէ հարմար տեղում՝ այնպես որ չերևան հարցերը։ Հերթով վերցրեք քարտեր ու պատասխանեք բոլոր հարցերին։ Սկսեք 1-ին մակարդակից և խաղացեք մինչև 3-րդը ներառյալ։

Տուփի ներսում կա 99 քայլ՝ առանձին խաղաքարտեր, որոնք բաժանված են 3 խմբի՝ փորձություն, բացահայտում և արկած: Պարզապես վերցրե՛ք որևէ քարտ, կարդացե՛ք ու միասին կատարե՛ք գրվածը, ստեղծե՛ք նոր պահեր, վայելե՛ք ձեր յուրահատուկ ընկերությունը, զվարճացե՛ք ու լուսանկարե՛ք՝ քարտի հետևում փակցնելու ու երբևէ ամենախենթ հիշողություններով տուփն ունենալու համար:

Փոքրիկ գիտունիկը ստեղծված է 3-5 տարեկան երեխաների համար՝ ժամանցը և գիտելիքը համատեղող հետաքրքիր առաջադրանքներով։

Տուփում 25 երկկողմանի քարտեր են, անվնաս ծայրերով և մեկ ջնջվող մարկեր։ Առաջադրանքները բազմաթիվ են, կարող եք կատարել հերթականությամբ կամ խառը։ Խաղի վերջում ուղղակի կարող եք խաղաքարտերից մաքրել արված նշումները ու սկսել նորից։

Խաղային առաջադրանքները զարգացնում են ուշադրությունը, հիշողությունը, մտածողությունը, երևակայությունը, տրամաբանությունը և մանր մատորիկան։ Այն կարող է դառնալ Ձեր Փոքրիկ Գիտունիկի ամենասիրելի զբաղմունքը, որը երբեք չի հոգնեցնի։

Նկարի՛ր, մաքրի՛ր ու նորից կրկնի՛ր։

Տառ առ Տառ խաղի միջոցով երեխաների համար սովորելը դառնում է հետաքրքիր և ավելի արդյունավետ:

Հորինի՛ր պատմություն՝ օգտագործելով տրված միտքը:
Տուփում կգտնեք 168 խաղաքարտ:
Խաղը նախատեսված է 10-99 տարիքային խմբի համար:
Խաղը հնարավոր է խաղալ 2 + մարդկանցով:

Ինչպե՞ս խաղալ:
Խաղընկերոջը բացատրում ենք խաղաքարտում գրված միտքը մեր կողմից հորինված պատմության միջոցով այնպես, որ պատմության մեջ օգտագործվեն խաղաքարտում գրված բոլոր բառերը ճիշտ հերթականությամբ:
*Խաղաքարտերում գրված են են մեզ ծանոթ ասացվածքներ:

Օրինակ՝ խաղաքարտում գրված է հետևյալ միտքը.
«Լավություն արա՛ ու ջուրը գցի՛ր»:
 Իմ պատմությունը.
Ես միշտ լավություն եմ անում բոլորին, քանի որ շատ բարի եմ: Մի անգամ զբոսնելիս տեսա, որ մի բալիկ ուզում է իր մայրիկի հեռախոսը ջուրը գցել, արագ վազեցի և հասցրի վերցնել այն:

Խաղ մեմերի սիրահարների համար:

Տուփում կգտնեք.

150 մեմ, 172 իրավիճակ և քվեարկման քարտեր:

Արագ, դինամիկ խաղ զվարճանալու համար՝ առանց երկար մտածելու, բարդ ռազմավարությունների, պարզապես զվարճանալու ձեր սիրած մեմերի ընկերակցությամբ:

Ընտրե՛ք մեմերին ամենահամապատասխան արտահայտությունները և վաստակե՛ք միավորներ:

Խնդմնդուկ խաղը առանց ծիծաղի և ուրախ տրամադրության անհնար է պատկերացնել:
Երեխան դեմքի միմիկայի կամ շարժումների միջոցով փորձում է բացատրել ամենազվարճալի ու զարմանալի էմոջիները։
Հենց խաղի մեջ է արտացոլված երեխայի հույզերը, երևակայությունը, մտածողությունը: Այս խաղի առավելությունն այն է, որ երեխան կամավոր և հաճույքով է ենթակվում խաղի կանոններին: Սա դարձնում է երեխային ավելի կշռադատված և նախաձեռնող:

Խաղը նախատեսված է 2-6 տարեկան երեխաների համար, խաղը հնարավոր է խաղալ թիմերով, ինչպես նաև միայնակ (երեխան կարող է ինքնուրույն ստուգել՝ արդյո՞ք ճիշտ է պատասխանել հարցերին) :

Առկա է 96 խաղաքարտ՝ բաժանված 6 տարբեր խմբերի:

Խաղի միջոցով զարգանում է երեխայի ուշադրությունը, հիշողությունը, երևակայությունը, տրամաբանությունը, արագ կողմնորոշվելու հմտությունը,

կենտրոնանալու կարողությունը, ճանաչողական ունակությունը, ընդլայնվում է երեխայի մտահորիզոնը...

3+ երեխաների համար

Խաղի միջոցով ձեր փոքրիկները ավելի մատչելի, արդյունավետ ու ավելի հետաքրքիր տարբերակով կսովորեն թվերը, նաև՝ գումարում և հանում:

Տուփում առկա է թղթե գրատախտակ, որի մի կողմը նախատեսված է գումարման գործողություններ կատարելու համար, մյուս կողմը` հանման: Թվերից կազմված քարտերերից մեկը դնում ենք գրատախտակի վրա պատկերված ՙգումարման՚ կամ ՙհանման՚ նշանից ձախ, մյուս թիվը` աջ և ստացված արդյունքը տեղադրում ՙհավասարման՚ նշանից հետո:

Տուփում առկա է 72 խաղաքարտ, որտեղ պատկերված են վարվեցողության կանոնների ճիշտ և սխալ տարբերակները:

Ինչպե՞ս խաղալ.
1.Պետք է  գտնել  միևնույն գործողությունը ցույց տվող 2 խաղաքարտերը, որոնցից մեկում պատկերված է ճիշտ արարքը, մյուսում ՝ սխալ:
2. Ընտրել վարվեցողության ճիշտ կանոնները ցույց տվող խաղաքարտը՝ մեկնաբանելով պատկերված գործողությունները:

Պատկերազարդ, թեմատիկ նկարների միջոցով նույնիսկ ամենափոքրերը կսովորեն
վարվեցողության կանոնները:

Այս խաղի միջոցով դեռևս վաղ տարիքից երեխան կսովորի լինել  քաղաքավարի, պատասխանատու և անկաշկանդ ցանկացած միջավայրում:

Մեր նոր խաղն արդեն հասանելի է բոլոր գրախանութներում:
Տուփում առկա է 72 խաղաքարտ, որտեղ պատկերված են վտանգավոր իրավիճակներ, դրանցից խուսափելու միջոցները և առաջին օգնության ցուցաբերման ձևերը:

1.Պետք է  գտնել  միևնույն գործողությունը ցույց տվող 2 խաղաքարտերը, որոնցից մեկում պատկերված է գործողությունը, մյուսում՝ տվյալ իրավիճակում ինչպես ցույց տալ առաջին օգնություն կամ ինչպես խուսափել վտանգավոր իրավիճակներից:
2.Մեկնաբանել ընտրված խաղաքարտերում պատկերված
գործողությունները:
Պատկերազարդ, թեմատիկ նկարների միջոցով նույնիսկ ամենափոքրերը կսովորեն զգուշության կանոնները և ձեռք կբերեն գիտելիքներ, թե ինչպես ցուցաբերել առաջին օգնություն:

Գուշակում ենք մուլտֆիլմը, հեքիաթը կամ խաղը:

Տուփում առկա է 108 խաղաքարտ, որտեղ պատկերված են
մուլտֆիլմերի, հեքիաթների և խաղերի հերոսներ:
Խաղի միջոցով երեխայի մոտ զարգանում է շարադրելու ունակությունը, պատմելու ընդունակությունը, վերլուծելու կարողությունը:

Խաղացողներից մեկը վերցնում է որևէ խաղաքարտ, փակ վիճակում պահելով` փորձում նկարագրել հերոսին` առանց մուլտֆիլմի, հեքիաթի և խաղի անունը նշելու: Խաղընկերը պետք է գուշակի, թե որ հերոսի մասին է խոսքը: 

8+ երեխաների, ինչու չէ նաև մեծահասակների համար

«Մեր մանկության խաղերը» շարքից
Խաղում ենք և զարգացնում գիտելիքների պաշարը, բառապաշարը, միտքը, հիշողությունը, արագաշարժությունը, ուշադրությունը:

Տուփում կգտնեք
1. բազմակի օգտագործման համար նախատեսված թղթյա խաղատախտակ-3 հատ
2. ջնջվող մարկեր-3հատ
3. տառեր-39հատ
4. հայկական տեղեկատվությամբ ինֆորմացիոն քարտեր-32հատ

Խաղը հնարավոր է խաղալ՝  
1. մենակ (ինքնակրթվելու և սեփական գիտելիքները ստուգելու համար)
2. երկու կամ երեք հոգով (մրցելու նպատակով)
3․ թիմերով

Ժամանցային, ինտելեկտուալ և ուսուցողական :10+
Խաղացողների քանակը - 1 - 99
Տուփում առկա է 210 խաղաքարտ
Խաղի միջոցով ստանում ենք բազմաթիվ հետաքրքիր և ուսուցողական տեղեկատվություններ աշխարհի ամենից ամենաների մասին:
 Խաղը կարող եք խաղալ.
1. Ինքնակրթվելու և սեփական գիտելիքները ստուգելու նպատակով
2. Մրցելու նպատակով

Ճանաչի՛ր այլ խաղացողների էմոցիաները և արտահայտի՛ր քոնը:
Էմոցիոնալ ինտելեկտ՝ խաղընկերների էմոցիաները գուշակելու և սեփականը արտահայտելու խաղ:

Համաձայնեք, միշտ չէ, որ պարզ է՝ մարդը տխու՞ր է, թե՞ պարզապես նստած է դեմքի լուրջ արտահայտությամբ:
Այս խաղը ոչ միայն հետաքրքիր կդարձնի ժամանցը, այլև կմարզի էմոցիոնալ ինտելեկտը, որը պատասխանատու է էմոցիաների ճանաչման համար:

Արտակարգ իրավիճակներ և առաջին օգնություն:
Խաղ, որը սովորեցնում է ճիշտ ու արագ կողմնորոշվել արտակարգ իրավիճակներում:
Տուփում առկա է 210 խաղաքարտ:

«911»-ը 10+ սեղանի խաղ է:
Տուփում կգտնեք հարցեր ու պատասխաններ արտակարգ իրավիճակներից առաջ, արտակարգ իրավիճակների ժամանակ ու արտակարգ իրավիճակների հետո ճիշտ կողմնորոշման, առաջին օգնության վերաբերյալ:
Խաղի նպատակն է հարցերի միջոցով բարձրացնել աղետների
վերաբերյալ տեղեկացվածության մակարդակը, օգնել ճիշտ քայլեր ձեռնարկել արտակարգ իրավիճակների դեպքում, սովորեցնել առաջին օգնություն:

Խաղ ամենափոքրերի համար

ՀԱՎԱՔԻ՜Ր ՄԱՐԴՈՒԿՆԵՐԻ ԲԱՂԱԴՐԻՉՆԵՐԸ
Խաղաքարտերում պատկերված են 24 իրարից տարբերվող կերպարներ (մարդուկներ) և յուրաքանչյուր կերպարի համար առանձնացված են ավելի փոքր 6 խաղաքարտ, որտեղ ներկայացված են կերպարի մազերը, աչքերը, հագուստը, կոշիկները, առանձնացող իրը, տրամադրությունը:
1. Երեխան ընտրում է կերպարներից որևէ մեկը:
2. Խառնված  բաղադրիչներից փորձում է գտնել կերպարին համապատասխան խաղաքարտերը:

Փոքրիկների համար խաղն ավելի մատչելի դարձնելու նպատակով ծնողները սկզբնական փուլում կարող են խաղաքարտերի հետևի գույների օգնությամբ առանձնացնել մի քանի կերպար և բաղադրիչ, այնուհետև աստիճանաբար ավելացնել խաղաքարտերի քանակը:

Խաղի տևողություն - 10-15 րոպե
Հրատարակչություն - Արի՛ խաղանք
Մասնակիցների քանակ - 2-8 հոգի
Տարիք - չափահասներ, 5տ+ երեխաներ
Արտադրման երկիր - Հայաստան

Պարզ կանոններով զվարճալի խաղ ուշադրության, արագության և ակնթարթային կողմնորոշման մասին: Խաղը նախատեսված է թե՛ ընտանեկան միջավայրում երեխաների հետ խաղալու, թե՛ հավաքույթների, ճամփորդությունների և պարզապես ուրախ ժամանակ անցկացնելու համար: Ճըպ-ճըլըպ՝ խաղ մտքի ու ձեռքերի սինխրոն աշխատանքի մասին: Խաղալիս ականատես եք լինելու ուղեղի ու ձեռքերի շատ զվարճալի հակամարտությանը:

Հիշի՛ր գլխավոր 5 բառերը՝ 
 

1. ձուկ
2. մուկ
3. հաց
4. պանիր
5. ձմերուկ

Բացված քարտն ու ասված բառը համընկնելուն պես, ձեռքդ արագ պետք է դնես կենտրոնում գտնվող քարտերի վրա: Այն մասնակիցը, ով վերջինն է դնում ձեռքը, հավաքում է քարտերը:

Բայց խաղում կան նաև հատուկ քարտեր, որոնք էլ հենց կհանդիսանան խաղի համեմունքները: Պատրաստ եղի՛ր նրանց դիմավորելու, չէ որ նրանք պահանջում են հատուկ գործողություններ կատարել։

Եղի՛ր առաջինը, ով կազատվի ձեռքի խաղաքարտերից:

Դե՛, ստուգենք զգոնությունդ:

✨Վե՜ր-ջա՜-պե՜ս։ Մեր ու ձեր բազու՜մ թե-երին պատասխանող «ԹԵ՞» խաղն արդեն վաճառքում է։

Մի քանի փաստ խաղի մասին.
✔️ Շատ կարևոր է, որ չկա մասնակիցների քանակի որևէ սահմանափակում։
✔️ Այն 16+ է , թող ներեն մեզ այս անգամ ճուտիկները ☺️
✔️ Խաղում ենք 2-ից ավել հոգով՝ նույնիսկ 2-500( այո-այո☺️ )
✔️ Խաղի ընթացքում սպասվում են շատ հետաքրքիր ընտրություններ թե-երի միջև: Օրինակ.

◼️Ամբողջ կյանքում ամեն օր ստանաս 300$
Թե՞
◼️ Հենց այսօր ստանաս 1,000,000$։

Խաղը կազմված է 12 տարբեր թեմաներից.
◼️Չարյաց փոքրագույնը
▫️Ոսկե ձկնիկ
◼️Բերանիդ համը
▫️Ջանդ յուղի
◼️Ճիշտն ասա…

Ասա՛ , որ հավեսա⭐⭐⭐⭐⭐

✔️Խաղում պարտադիր կան հաղթողներ և պարտվողներ։ Պարտվողին սպասվում է դժվար փորձություն։

Բա որ պարտվես, որը՞ կընտրես

1️⃣ Անծանոթ համարին ուղարկի՛ր նամակ. —Ուֆֆֆ, էլի լուծ եմ…
Թե՞
2️⃣ Պարի՜ր մյուս մասնակիցների ընտրած երաժշտության ներքո:

Իսկականից որ «ջանդ յուղիր»է լրիվ ☠

Ինչպես հասկացանք, մեզ սպասվում է բավականին զվարճալի խաղ:

Հետաքրքրեց, չէ՞✊

Խաղ 3 տարեկանից մեծ երեխաների համար:

Խաղալով զարգացնում ենք՝
Տրամաբանությունը,
Երևակայությունը
Ուշադրությունը
Մտահորիզոնը

1. Յուրաքանչյուր խմբից պետք է ընտրել այնպիսի խաղաքարտ, որ ստացվի տրամաբանական հաջորդականություն:
2. Հորինել պատմություն այդ հաջորդականությամբ:
 

Խաղ երիտասարդների և ինչու չէ նաև մեծահասակների համար:

Խաղում ենք, ծիծաղում, շտապում, նյարդայնանում, լարում հիշողությունը, կենտրոնանում, ուրախանում, մի խոսքով, վստահ ենք՝ էմոցիաների պակաս չեք զգա:
Խաղը շատ պարզ է և հատուկ կանոններ իմանալու կարիք չկա:

Գցում ենք զառը , հասկանում որ կատեգորիայի խաղաքարտն է մեզ բաժին հասել, կարդում ենք խաղաքարտում գրված արտահայտությունը և էմոջիների օգնությամբ բացատրում խաղաքարտի վրա գրվածը:
Իսկ խաղընկերդ պետք է գուշակի թե ինչ արտահայտություն է:
Այս ամենի համար քեզ տրվում է 2 րոպե ժամանակ:

 

«Սքեյջը»-ը հետաքրքիր ասոցիացաներ առաջացնող ժամանցային և ինտելեկտուալ խաղ է:

Տարիքը՝ 12+  
Խաղացողների քանակը 3-6
Ինչպես խաղալ՝
1.Խաղացողներից մեկը իր խաղաքարտերից ընտրում է որևէ խաղաքարտ և բարձրաձայնում  այդ խաղաքարտի հետ կապված իր ասոցացիան:
2.Մնացած խաղացողները իրենց խաղաքարտերից ընտրում են տվյալ նկարագրությանը առավել համապատասխան խաղաքարտը և փակված դնում սեղանին: Նկարագրողը խառնում է և բացված սեղանին դնում ընտրված խաղաքարտերը:
3.Մասնակիցների խնդիրն է քվեարկության միջոցով գուշակել նկարագրողի խաղաքարտը:

Մագելանը 4 խաղ է մեկում, որը խաղալով սովորում ես գոյություն և ճանաչում ունեցող 200 տեսարժան վայրեր ամբողջ աշխարհում, թվագրություններ, տեղադրություններն ու հետաքրքիր փաստեր դրանց մասին։

Մանկական զարգացնող խաղ ՝ Բառակազմիկ:

Սովորում ենք բառակազմություն և զարգացնում՝ միտքը, բառապաշարը, ուշադրությունը, տրամաբանությունը:

Ինչպես խաղալ՝
Տուփում առկա են 3 խումբ խաղաքարտեր:
1-ին խմբի խաղաքարտերից պետք է ընտրել պարզ բառը, դրան գումարել 2-րդ խումբ խաղաքարտերից ընտրված պարզ բառը և ստանալ 3-րդ խումբ խաղաքարտերում թաքնված բարդ բառը:

Խաղը բաղկացած է 200 ինտելեկտուալ հարցերից։ Յուրաքանչուր հարց ունի 4 տարբերակ: Մասնակցի խնդիրն է 4 տարբերակից ընտրել միայն 1 ճիշտ տարբերակը, որի արդյունքում կվաստակի գումար։ Խաղի ընթացքում մասնակիցները կամ թիմերն ունենում են 3 օգնության հնարավորություն: Բոլոր փուլերը հաղթահարած մասնակիցը կամ թիմը վաստակում է 1.000.000դրամ և համարվում «Միլիոնատեր» խաղի հաղթող՝ ստանալով «Միլիոնատեր» շքանշանը:

Ներառում է

• 200 խաղաքարտ
• Խաղի կանոններ

Մանրամասներ 

• Տուփի չափսերը՝  25,5x18x6 սմ
• Խաղացողների քանակ - 2
• Լեզուն՝ Հայերեն

Հեղինակ և Արտադրող

• Արտադրված է Հայաստանում
• Արտադրող՝ Դը Գեյմ